Media

/Media
Media2019-01-17T14:52:28+00:00

Osikola yoshikunino shounona yevina Omusati Kindergarten, mOmbandjele oya pewa nayo omaano okandjuwo kelelo lyopamufiululwakalo lyAmbaanhu momasiku 17 January 2019.

Mefano amu monika Tatekulu Oswin Mukulu ta minike omukalelipo wosikola younona.

Omusati Kindergarten also received a donation of  a dry toilet from Ombalantu Traditional Authority on 17 January 2019.

Chief Oswin Mukulu of Ombalantu Traditional Authority is seen in the photo shaking hands with the kindergarten’s representative.

__________________________________________________________________________

2018

Elelo lyopamufiululwakalo lyOmbaanhu momasiku 9 Novomba 2018 olya yandja omaano youndjuwo wa ningwa noipeleki keesikola vounona mbu oushona (oikunino, eekinda). Eeshali vi ova yandjwa kuTatekulu Oswin Mukulu pamwe nomalenga yaye omanene. Oundjuwo otawu kwafele mokukeelela etaandelo lyomukifi wohepatitis.

Ombalantu Traditional Authority has donated  zink toilets to  the needy seven kindergartens in the area today (9 November 2018). The toilet will help to prevent hepatitis outbreak.

Eekinda vi va pewa oundjuwo ovo vi: Kindergartens that received the donations.

  1. Oshipaya Kindergarten
  2. Omalungwandjamba Kindergarten
  3. Onawa Kindergarten
  4. Oshisiya Kindergarten
  5. Omuulukila Kindergarten
  6. Ombandjele Kindergarten
  7. Efa lyaMbwale Kindergarten

Tatekulu Oswin Mukulu pamwe noonakupewa omagano youndjuwo. Pohi efano a li

ulike umwe po womoundjuwo mbu wa yandja.

Chief Oswin Mukulu pictured with the recipients of the donated zinc toilets. The photo

below depicts the type of toilets that were donated.

Previous EVENTS

The Launch of www.ombalantu.org

launched on 26 August 2018 at 18h00

Watch YouTube video of the launch:

Below is Tatekulu Mukulu’s statement (Oshipopiwa shaTatekulu Mukulu)

EPATULULO PAMBELEWA LYEPANDJA LYOPAUNGOMBA LYELELO LYAPUFIULULWAKALO LYAMBAANHU

Omuwiliki welandulafano omusimanekwa

Aawiliki yeendondo va yooloka mulipo

Aanambelewa yeendondo va yooloka

Aakwashiwana aasimanekwa mwa holoka mpha

Aatolinghundana aasimanekwa

Ootatekulu noomeekulu amuhe mu li mpha nandi simaneke ekalopo lyeni

Tango nandi pandule unene komhito ndji nda pewa opo ndi mu popithe, pefimbo lyepatululo pambelewa lyowebusaita yElelo lyopamufiululwakalo lyAmbaanhu. Ame aame Oswin Shifiona Mukulu, omuleli wopamufiululwakalo wElelo lyAmbaanhu.

Onde mu ifana owina opo ndi patulule epandja lyetu lyopaungomba. Mba hamu longifa omakwatafano yopashinanena hano oitaneta, ngiika omwa uva nghee omahangano, eesikola, omauministeli, eengeshefa neengeleka a vi tumbula kutya ovi na eewebsaita vokuyandja omauyelele. Oshiima nghyi a ku ti eewebusaita omukalo ashike wokutaandaleka omauyelele to ya talele ile to ya leshele kokompiuta kutya nee oyondji onene yoposhitaafula ile oyondji onhiki ndji hayi endwa nayo vi a mu ti eelaputopa. Nge ku na okompiuta ile olaputopa oto vulu okumona ouyelele mbu kongovi yoye yopeke hano oselefona ndji ha tu kaleni twa hinda esiku kehe opo to vengelwe ile ose tu vengele aanhu. Naame yange ondi yi na oyondji. Kakele ashike kutya eeselefona nee ova yooloka, ivi to vulu okuya navo kointaneta ile keewebusaita ovo vi a vi ifanwa eesimaatafouna. Ouyelele omundji a mu ke wu pewa kaanambelewa yange noshowo kaanawino kombinga yeewebsaita.

Omuwiliki omusimanekwa pitika nge ndi shune kashona konima kelelalakano lyoshiifanene shonena kutya Elelo lyAmbaahu nalyo olya katuka onghatu yokuya komeho pamakwatafano yopashinanena mouyuni. Okuza muMaalitsa nyeuvo opwa li pwa etwa evilavilo lyokoongela ouyelele wombelewa yoshilongo opo ku tameke owebsaita ndji andi ka patulula nena.

Tate Isdor Angula Kanelombe ngu e li omupopiliko welelo oye nee a li meenghundafana naKashindi Ausiku (Kashindi Kangoosi) ye ta eta omavilavilo kelelo lyoshilongo opo oshiima shi tamekwe sho shi ye komeho. Eelelo lyoshilongo olya yandja ezimino opo ku yandjwe ouyelele mbu wa pumbiwa. Kanelombe osho naanaa a ninga nokuyandja ouyelele kuKashindi ngu a li ta longo pamwe naMaria Ausiku (yangoosi) ayehe oya za ngaa pOshondo mpho.

Ouyelele nomafano ya yandja nepandja lyopaungomba lyelelo lya nyolifwa a li pewa ondjukifi yevina ndi mOshiwambo ngeno to li lesha to ti wee wee wee, oshitwa. Ombalantu oshitwa oolongo (www.ombalantu.org) mba mu shii oshingiilisa a mu shi lesha noupu nganyi sha shangwa poumbapila mbu mwa topolelwa.

Kepandja lyetu nee ndi lyopaungomba okwa tulwa nee omauyelele taa fatulula oinakuwanifwa yelelo lyopamufiululwakalo lyAmbaanhu, a ku tulwa omavina nomafano yomalenga. Hano oku na omutungilo auhe welelo lyoshilongo. Okwa tulwa natango omusholondo womikunda nomavina yomalenga yawo. Onda hala nee mu ka tale ko opo nge owa mona kutya omukunda weni owa fiwa po, oye to lombwele ombelewa. Natango okwa tulwa ouyelele wu na sha nonomola yongovi yombelewa neendjukifi nge oto tumu ombapila mopoosa.

Opwa li oilonga oyindji shili no sho nee nena ndu uvite ombili nonda nyanyukwa moku mwi ifana mpha opo ndi patulule epandja lyetweni lyopaungomba ndi lya nyolwa moshiingilisa nomOshiwambo. Nouyelele wOlufuko nawo oko tawu ka monika ondi uvite kutya monakuyiwa mba ya hala okwiinyolifa mOlufuko otaa vulu okushininga kowebusaita ile kepandja lyopaungomba nge ihaa mono omhito yoku ya kumba haa nyolifa oukavona mbu wa hala okukafukala.

Ouyuni otawu pula komeho. Ina tu saaleni po. Ondi uvite kutya oshiima nghyi oshiholelwa oshiwa komalelo ayehe yopamufiululwakalo nayo ya kale ye na omapandja yawo yopaungomba hano eewebusaita vokuyandja omauyelele kaakalimo nokaanhu mouyuni. Shaashi kutya nee omunhu oku li koAmerika ile okoKenya ile okoChiina shampha ike twe mu pa ondjukifi yepandja lyetu lyopaungomba ote li patulula ike shaa ike kutya mpha eli opu na oitanena. Lyo nghyi lili nawa olya patuluka ike efimbo kehe ousiku nomutenya ihali pata.

Omuwiliki omusimanekwa nandi mu uvanekele kutya Elelo lyaMbaanhu a li ka kala hali tula omatweifo yalyo kepandja ndji, nandi tye nganhyi omauyelele ye na sha noiyongalele, omasiku yeemhangu vopamufiululwakalo nosho tuu. Ngeno naku tulwe nomafano ile ovideo womauvano yetu yopamufiululwakalo, noikulya yetu yOshiwambo nayi ulike nghyi hayi monika mOlufuko mu. Nomavina yaa imbi yetu yoivano yopamufiululwakalo mOmbaanhu nomafano yawo oya pumbwa okuulikwa.

Nye a mu tu wevele po nghaa a li omayele shaashi owebusaita oyetweni, ye omukulu wonale okwa ti ihavi wanene omutwe wumwe.

Oto patulula ike ongovi nge ou na ndji yopashinanena shaashi onda lombwelwa kutya nge ou na ongovi ndji hatu ti okatoshe indjo kayi na naanaa eenghono vokuya koitaneta opo wu patulule epandja lyetu lyopaungomba.

Onde yi nekela kutya owebsaita yetu otayi ke tu longa oshindji notayi ketu kwatakanitha nouyuni meendelelo. Onghee pamhito ndji manga inandi yi patulula pambelewa nandi pandule unene aanhu ayehe mba mwa kwafela mokweeta po evilavilo ndi noku li fatululila Elelo lyoshilongo opo li ye moilonga. Nandi pule mhanga kutya opena nale yakwetu yamwe yomalelo yopamufiulwakalo ye na omapandja yawo yopaungomba ile pamwe ose yotango okupatulula epandja lyetu lyopaungomba lye yi fikamena. Ondi uvite kutya nge aakwashiwana a tu kambavaleli okweeta po oinyangavalwa ya yooloka mbi tayi humifa oshiwana komeho, oshiima oshiwa unene shaashi a shi kwafele nepangelo kombinga yimwe, ina tu kala ike twa teelela tu pewe kehe shimwe kepangelo.

Pehulilo onda pandula unene molwokukala po kweni nokupwaikina neitulomo koshipopiwa shange. Epandja lyetweni lyopaungomba olya patululwa nee pambelewa nena. Ondjukifi yayo oyo ndjo ya nyolwa poumbapila mbu mwa pewa. Aatolinghundana kwa feinge mu lombwele ouyuni kombinga yepandja lyetu ndi.

Tangi unene.